तामाङ पत्रकार संघ, नेपाल तामाङ सञ्चार कर्मीहरुको हकहित र सञ्चार माध्यममा तामाङ समुदायको मुद्दा स्थापित गर्ने उद्देश्यका साथ स्थापना भएको हो ।

वि.स. २०६० सालमा सम्पन्न भएको तामाङ सञ्चारकर्मीहरुको एक भेलाले रविन्द्र तामाङ संस्थापक अध्यक्ष, रुद्रसिंह तामाङ र प्रतीक तामाङ – उपाध्यक्ष, दिपक घिसिङ – महासचिव, दान बहादुर घिसिङ – सचिव, तिलक लामा कोषाध्यक्ष, पासाङ दोर्जे लामा र सोनी तामाङ तामाङ सञ्चार समूह गठन भई सञ्चालनमा आएको यो संस्था मिति २०६१ मंसिर २१ गते विधिवत रुपमा संघ, संस्था दर्ता ऐन २०३४ बमोजिम जिल्ला प्रशासन कार्यलय ललितपुरमा रुद्रसिंह तामाङको अध्यक्षतामा इन्द्र तामाङ उपाध्यक्ष, प्रतिक तामाङ – सचिव, दीपेन्द्र दोङ सहसचिव, जगत दोङ उपाध्यक्ष, दीपेन्द्र लामा सदस्य रहेको कोषाध्यक्ष, फूलमान बल, रबिन थिङ, भक्तवीर योञ्जन र सञ्चु ब्लोन – सदस्य रहेको संस्था दर्ता भएको गौरवपूर्ण ईतिहास छ ।

संस्था दर्ता भएको केहि समय पश्चात प्रथम साधारणसभा / प्रथम महाधिवेशन सम्पन्न भएको र उक्त साधारण सभा / महाधिवेशनबाट प्रतीक तामाङको अध्यक्षतामा मोहनसिंह लामा महासचिव, दीपेन्द्र दोङ – सचिव, जगत दोङ – कोषाध्यक्ष, फूलमान वल, सञ्चु ब्लोन, सूर्य मोक्तान, र भक्तवीर योञ्जन रहेको नयाँ कार्यसमिति निर्वाचित भएको र मिति २०६३ सालमा मुकेश लामा, मोहन दोङ, प्रकाश ब्लोन, कुमार मोक्तान, सृजना गोले र रश्मी दोङ समेत सदस्य रहने गरि केन्द्रीय कार्यसमिति विस्तार गरिएको थियो । त्यस पश्चात दोस्रो महाधिवेशनबाट दीपेन्द्र लामाको अध्यक्षतामा मोहनसिंह तामाङ कुमार लामा – सचिव, जगत दोङ – कोषाध्यक्ष, फूलमान बल, जोगलाल लामा, मुकेश लामा, राजकुमार तामाङ, उपाध्यक्ष, दीपेन्द्र दोङ, महासचिव, उपाध्यक्ष, दीपेन्द्र दोङ – महासचिव, रश्मी लामा, सृजना गोले, मोहन लामा र सञ्चु ब्लोन सदस्य रहेको नयाँ कार्यसमिति निर्वाचित भएको थियो । त्यसै गरि तेस्रो महाधिवेशनबाट जगत दोङको अध्यक्षतामा सञ्चु ब्लोन विष्णु कुमार तामाङ – सचिव, मुकेश लामा – कोषाध्यक्ष, शान्ती दोङ, रामकुमार तामाङ, लक्ष्मी रुम्बा र मोहन दोङ सदस्य रहेको नयाँ कार्यसमिति निर्वाचित भएको थियो भने मिति २०६८ कार्तिक २६ गते सम्पन्न भएको साधारण सभाबाट सृजना गोले कोषाध्यक्ष र तिर्थमान बल सदस्यमा नियुक्त भएको थियो ।

त्यसैगरि मिति २०७० फागुन १८ गते काठमाडौंको बौद्धमा सम्पन्न भएको चौथो राष्ट्रिय महाधिवेशनबाट जगद दोङको अध्यक्षतामा दीपेन्द्र दोङ र सञ्चु ब्लोन उपाध्यक्ष, विष्णु कुमार तामाङ – महासचिव, शान्ती दोङ सचिव, लक्ष्मी रुम्बा – कोषाध्यक्ष, तिर्थमान बल, प्रेम घिसिङ, विश्वराज तामाङ, रामकुमार तामाङ, जयनकुमार मोक्तान, सृजना गोले, अन्जु तामाङ, पेमा लामा, युनिक विफा घिसिङ, सन्तवीर मोक्तान तामाङ, आदर्श थिङ, मोहनचन्द्र रुम्बा, आदर्श थोकर, सुवास योञ्जन, भरत लोप्चन, बुद्ध योञ्जन लामा, शिक्षा शान्ती वाईबा, हिरालाल दोङ, नरेश मोहन तामाङ, सरस्वती तामाङ, जयन्ती तामाङ, मालती मोक्तान (मानबी) र सुर्य मोक्तान सदस्य रहेको नयाँ कार्यसमिति निर्वाचित भएको ईतिहास छ । त्यसैगरि मिति २०७४ चैत १० गते काठमाडौंमा सम्पन्न भएको पाँचौ राष्ट्रिय महाधिवेशनबाट विष्णु कुमार तामाङको अध्यक्षतामा सुवास योञ्जन र लक्ष्मी रुम्बा उपाध्यक्ष, बुद्ध योञ्जन – महासचिव, पेमा लामा – सचिव, तिर्थमान बल कोषाध्यक्ष र सदस्यहरुमा विश्वराज तामाङ, शुभराज वमजन, बम बहादुर वमजन, विक्रम तामाङ पाख्रीन, शिशिर दोङ, सरस्वती तामाङ, उर्गेलो तामाङ, बबिता तामाङ, स्वतन्त्र मोक्तान, सुरेश तामाङ, नेत्र तामाङ, लालकुमार मोक्तान, तिर्थ कुमारी लामा, दुदुमाया सिन्तान, मालती मोक्तान (मानवी), अन्जु डिम्दोङ तामाङ, डोल्मा मनाङथेन तामाङ र जगत दोङ पदेन सदस्य रहेको नयाँ कार्यसमिति चयन भएको थियो ।
सोही महाधिवेशनले संस्थाको विधान संशोधन गरि संस्थाको परिवर्तित नाम तामाङ पत्रकार संघ कायम गर्ने तथा संस्थाको संगठनात्मक संरचना देशको संघीय संरचना अनुरुप निर्माण गर्ने निर्णय पारीत गरियो र सोही अनुसार विधानमा प्रदेश समिति व्यवस्था गरियो ।

मिति २०७८ पुष ३ गते काठमाडौंमा छैटौं राष्ट्रिय महाधिवेशनबाट सुवास योञ्जनको अध्यक्षतामा बुद्ध योञ्जन – वरिष्ठ उपाध्यक्ष, अन्जु डिम्दोङ, नेत्र तामाङ र विश्वराज तामाङ – उपाध्यक्ष, तिर्थमान बल – महासचिव, शिशिर दोङ, सरस्वती तामाङ र उर्गेन लो तामाङ सचिव, डोल्मा मनाङथेन कोषाध्यक्ष सदस्यहरुमा गमला लामा, जि.वी. लामा, किशोर ब्लोन, कृतिका ग्लान, मानवी मोक्तान, मिक्साङ वाईबा, मिलन कुमार दोङ, मिङमा दोमार, राजेश रुम्बा, राजु लो (साङ बहादुर), रामचन्द्र तामाङ, शान्ती तामाङ, युनिकरक्ष ग्लान, इकमान लामा, अनुप योञ्जन लामा, हिरामान बल, साहिँला तामाङ, विमल तामाङ र विष्णु कुमार तामाङ पदेन सदस्य रहेको नयाँ कार्यसमिति निर्वाचित भएको र संस्थाको साधारण सभा तथा कार्यसमिति बैठकबाट आदर्श थोकर, मायालु ङेसुर र सुदिन दोङ मनोनित गरिएको थियो ।

तामाङ सञ्चार समूहको नामबाट शुरु भएको यो संस्था औपचारिक रुपमा २०६१ मा स्थापना भएको हो। पछि नाम परिस्कृत गर्दै तामाङ पत्रकार संघ भएको हो। तामाङ पत्रकार संघको दुई प्रदेश कार्यसमिति, २३ जिल्ला कार्यसमिति र एक प्रवास कार्यसमिति रहेको छ।